一本書、一次旅行、一位售貨員小姐

呢本《變形金剛GENERATIONS DELUXE》最初到港時，我嫌它售價貴冇買，諗住等它減價先入，點知冇晒貨買唔到。

於是我每次去日本旅行都會去書店搵它，而每當有朋友去日本玩又會叫他們幫手買，但係搵咗幾年都搵唔到。

最後(2009年)終於給我在新宿伊勢丹Isetan頂樓圖書部找到，還記得當時那位售貨員小姐好好人，她從電腦搜尋到書後，再到貨艙找了好幾分鐘才找出，我打開書檢查發現第一頁白位有丁點污積 (但無論點我都會買呢本書)，她便細心研究是什麼污積，專業地為我清理好它 (應該係鉛筆之類造成)，她呢種服務態度真係超讚！