食 @ 沖繩

石垣牛刺身壽司和沖繩拉麵，我食唔慣全生的牛肉，所以對石垣牛刺身壽司感覺麻麻。

沖繩鹽味雪糕，本身是甜的，和一般牛奶雪糕差唔多，只有薄薄的鹽味，但上面可以加上不同味道的鹽，食落都幾過癮，值得試。

石垣島出店記念FamilyMart鹽蛋糕，雖然係便利店貨品，但超好味！

冷食的沖繩硬豆腐，有咬口豆味濃，醃苦瓜酸甜又帶甘苦，有趣好味，沖繩菠蘿好甜。

呢碗係沖繩特色的飯，名稱就唔識叫了，味道有點似臘味飯，但不是糯米，我估係糙米。

大約7-8年前在東京食過呢間 LOTTERIA日式漢堡包店，見到佢又好想再食，『牛肉蛋漢堡』依然好好味！

Pizzahouse-Jr.的墨西哥免治羊肉脆餅，羊味十足，薄餅勁脆，正呀！(在小祿駅AEON百貨公司foodcourt )

Pizzahouse-Jr.的墨西哥咖哩雞飯炸球，好好味呀！(在小祿駅AEON百貨公司foodcourt )

飲咗好似話係近期在日本限定發售嘅『橙汁味可樂』，感覺類似香港賣嘅檸檬味可樂咁，只係檸檬味換咗橙味汽水囉，或者可以試試用九份可樂溝一份橙汁汽水，相信味道可能會有d似。

自動賣水機，自己帶樽，真環保。