近日睇的電影

 

秘境探險

蜘蛛俠效應，預告片精彩，但睇完就.....唉......

頭半個鐘都係悶場文戲，成龍式打鬥仲要唔激烈唔夠鬼馬，尋寶過程簡單機關唔夠古靈精怪，失望有如當年盜墓者羅拉電影。

紅色通緝令

與秘境探險題材相同，雖然唔係非常好睇嘅大片，但相比之下劇情和緊湊度都好過秘境探險，可以用嚟kill time。

尼羅河謀殺案

電視劇又好電影又好，呢類推理緝兇，我從來都搵唔到兇手，今次連重點死者都估唔到，傳統老派故事手法，唔商業唔緊湊但未至於半路熄機，略嫌場景唔夠落本，悶悶哋見有神奇女俠睇下。

1997年電影［超時空接觸］

以科學知識挑戰宗教信仰，挑戰人類進化論，內容充滿反思，科幻場面非常少，腳踏實地文戲為主，近期電視經常播完又播。

失驚無神闖謎城

動作、尋寶場面少，零刺激，講多過做，很多歐美式笑話我睇完唔識笑，珊迪娜布洛老了，仍飾演傻大姐有點難看，反而畢彼特客串有驚喜，或者係文化口味不同，我覺得套戲真係麻麻。

《雲圖》套戲唔係傳聞咁難明，亦唔難睇，不過就唔算好睇囉，ok咁啦。我冇睇原著小說，單講電影感覺，如果導演唔係特登剪接到支離破碎，故事順序演繹出嚟其實會幾平淡，但剪接到扮晒有野咁又遠遠不及《Pulp Fiction》，雖然故事係有point，不過……應該可以再拍好 d 嘅……。