炎夏遊香港迪士尼樂園

 

今日勁曬，勁多人，8個鐘只玩咗2個game睇1show1卡通，入場冇耐撞啱超級英雄真人蘇好多人睇，偷雞襯少人排玩到蟻俠，職員話排20分鐘結果排咗30分鐘，個game勁無聊！

之後，日頭最普通唔吸引嘅game要排30-45分鐘，Hit嘅排60-75分鐘，好討厭排勁耐隊唔好搞我，逛下算，但又曬到人都癲！

跟住睇咗套陳年3D卡通排咗20分鐘，睇真人歌舞劇排咗35分鐘，入夜後好d少咗人排game，25分鐘玩到Ironman，但玩完要霸位睇煙花，又罰企咗35分鐘先開始。

睇完人人都散好似行年宵咁迫，唔想迫沙甸魚搵個位等散梗d先走，10點2先喺迪士尼站搭到港鐵離開。