影評大部份都勁讚，我亦無謂長篇大論講經。
簡單說：
畫面冇得彈！好豐富！
要學習吸收相信要睇多幾次，故事流暢環環相扣好睇，估唔到奸角「斑點」會咁勁咁有氣勢！
唯一不滿係今集故事未完，唔知要等幾耐先有下集......
第一幕警匪槍戰有點誇張混亂，但純追求刺激畫面都接受到，其他槍戰和空襲拍得唔錯。
整套戲穿插很多舊事回顧，剪接流暢很讚賞！
不過故事唯一愛情線老土而且悶，講解製毒亦很說教，這兩點拖垮了電影節奏。
我最抗拒的是結局一幕，
「古警員已制服大毒梟青雲，城城臥底到場先槍指古警員，慢慢行近後槍頭轉移指向青雲，然後說：我係警察。」之後大堆正義道理不說了......
嘩！真係勁老土！完全反高潮！就算是現在電影市場需要意識正確，但是否可以設計得驚訝一點？峰迴路轉一點？不是這麼平淡乏味完場呢？
拍下香港新冠疫情市況，拍下草根階層生活苦況，淡淡然的故事夾雜濃烈香港味道。
女主角和小演員演得唔錯，雖然男主角攞到電影獎項，但我覺得他在某些鏡頭下仍有點chok......再平實啲會更好更適合這電影。
命案
故事有趣，兩位主角角色設定各走異路極端，以誇大神情姿態方式演繹是無可厚非。
只係純粹個人口味問題，覺得整套戲表現得太用力太猛烈，氣氛又很陰沉很大怨念很大殺念，漸漸睇得有點吃力心理上難喘息。
並不是套戲唔好睇，亦不是演員出問題，再講一次只係純粹個人口味問題。
秘密入侵 Secret Invasion
Marvel 超級英雄電視劇絕大多數都係粗製濫造，呢套亦唔例外！
拖拉！非常悶！故事平平無奇！冇畫面！動作場面少！一味講講講！
Nick Fury 在第五集結尾時，醒覺從墓穴攞衫攞槍取回造型，但每格墓穴只收一樣物件，要逐格打開逐件從「衣櫃」攞出著上身，真係超低能勁無聊！
其實我睇到第三集已經想放棄，但習慣追Marvel Cinematic Universe 所以強迫自己繼續睇（只有驚奇少女頂唔順要跳格睇），如果不追求要連結整個Marvel Cinematic Universe發展，呢套...算把啦。
沒有留言:
張貼留言