鐵甲萬能俠2號 / 鐵甲萬能俠ZERO infinity HG模型

我自己嗰隻鐵甲萬能俠ZERO仲未砌好，今日就收到老友提早送上嘅聖誕禮物，竟然係兩隻HG鐵甲萬能俠infinity模型，其中一隻仲係我未完成嘅ZERO，老友砌模型手工一向精湛，上色效果成隻超合金咁！噴油唔滿意又洗掉重噴，買油都唔少錢，又加工鞏固關節仲要整爛部件要補買，搞呢兩隻模型花咗唔少時間同心機，雖然我好貪心，但真係唔好意思接收，最後用友情價購入。

再拎出老友幾年前送嘅鐵甲萬能俠Z infinity HG模型三兄弟合照。