Super Minpla 百獸王 黃獅子

Super Minpla 百獸王 青獅子(藍獅子)

 

Millennium Godzilla Best 伊福部昭 東宝特撮映画傑作集 CD

參觀太陽之塔內部

5月11日，去大阪萬博紀念公園參觀太陽之塔內部，有讚亦有彈，先講彈，除購買進入太陽塔的門票外，在內部影相或拍片要另外付費，以使用器材人頭每位計，塔內很多職員係嬸嬸大媽，唔識英語溝通，服務態度亦唔係好有禮貌，唔多客氣！當日我只見有少數年輕職員在場，只有他們較好態度。

塔內展區可以分成三部份，第二部份的生命之樹我係有啲失望，因為有過時感覺，有啲流，沒有太大的震撼力，或者在70年代欣賞係好勁好前衛，始終這是大師級的藝術創作。

至於讚，展區第一部份的太陽塔第四張面地底之太陽，影片投射、燈效同音樂都十分出色，有懾人魅力，我睇咗好耐先肯離開這個展區。

最後上到太陽之塔雙手位置的第三展區，睇到這對手的內部結構，加上變色燈效，是非常吸引。

另外，此行有意外收獲，就係園內正舉行大型露天音樂會Gobu Gobu festival 2025，雖然我冇門票 睇，但園內近表演場地地方聽得好大聲好清楚，聽到湘南乃風熱烈演唱！更驚喜是聽到西川貴教唱咗2首Gundam Seed主題曲！！！園內氣氛超級好！

EXPO2025 OSAKA

今次去Expo 2025預約在11:00am入場，乘坐地鐵到夢洲站，步出站後都算暢順，但行到東閘口廣場時就多人要慢慢行，愈接近安檢閘口就愈人多擠迫，結果排咗約40分鐘先成功入場，當日天氣熱又好曬，冇帶傘，排隊等待時極不暢快。

除預約好的三個館外，大多數大型展館都非常多人排隊，目測入場告示需要排40至75分鐘，紀念品店、餐廳同便利店同樣很多人排隊，只有沒什麼特別展出的小館人流較少或沒有人排隊，直至黃昏時排隊人龍才開始減少，如非大熱場館，一般可以用20至30分鐘左右入場。

晚上9:00閉館散場時，場內人潮都暢順，直至行到東閘安檢關口時，因為出閘口只有約一半開放，人流開始聚集擠迫，從這時開始要排隊走，去到地鐵月台大約用咗30分鐘，回程車票在上午到達時已預早買了，所以慳返排長龍買回程車票的時間。

由會場至到車站沿途沒有任何遮擋，好彩當晚沒有落雨。

13-05-2025

Expo 2025 - Blue ocean dome、比利時、塞爾維亞、埃及、捷克、泰國館

今次去Expo 2025除咗進入GUNDAM NEXT FUTURE PAVILION 同 PASONA NATUREVERSE 館，還成功預約了Blue ocean dome，其他入館參觀都係即時排隊，每個館大約排15至30分鐘左右，只有捷克館係不用排隊直行直入。

合計這一天共進入了GUNDAM NEXT FUTURE PAVILION、PASONA NATUREVERSE、Blue ocean dome、比利時、塞爾維亞、埃及、捷克、泰國8個館。

晚上睇咗水幕投射激光show《午夜彩虹之下》和無人機表演，個show唔錯，無人機就弱啲。

13-05-2025

PASONA NATUREVERSE Expo 2025 Osaka

PASONA NATUREVERSE 

Expo 2025 Osaka

13-05-2025

每位Expo 2025門票只能預約抽選3個入館參觀機會，實在太少！之後要進入其他館參觀，雖然話可以即日在會場內再用手機申請抽選，但會場內網絡太差，未必可以順利連線進行第4個館嘅申請，唯一方法只有即場排隊，但亦不是每個館都可以在沒有預約下進入，大會這個安排真係太差！

好好彩PASONA NATUREVERSE 館是我出發前第二個抽中入場（第一個係高達館），這個館的展覽亦值得參觀。

GUNDAM NEXT FUTURE PAVILION Expo 2025 Osaka

 

GUNDAM NEXT FUTURE PAVILION  

Expo 2025 Osaka

13-05-2025

好好彩抽到入館機會，不過館內視覺體感效果冇想像中咁精彩，太多視窗有啲亂難集中欣賞，建議不要站在前面，靠後站比較睇得廣闊點。