因寫了七年的Yahoo!Blog結束服務，所以搬來這裡重新開始。
2021年12月16日 星期四
2021年12月14日 星期二
2021年12月12日 星期日
2021年12月8日 星期三
2021年12月2日 星期四
2021年11月28日 星期日
2021年11月26日 星期五
2021年11月23日 星期二
廣告風波
那些年某一日，
一向嘻哈交談的長棍(林祥焜)
突然認真地拉我入工作房間有事討論，
這公司房間非常細，
但安置了長棍、甘小文、線王華哥 3人，
只能擺放3張枱(1大2細枱)和 2個企身書櫃，
就餘下一條窄路出入。
長棍嚴肅地細聲問我公司漫畫裡面的廣告是誰決定刊登什麼？
我答係由我先根據出版日子的先後而決定，
再交老闆審批通過才動手製作廣告。
長棍語帶無奈又有點不忿說：
「你出咁多廣告(他的作品-不夠水準) 搞到我份稿費被扣淨少少，今期幾乎白做！」
我答：「吓？扣你廣告費？我完全唔知有扣廣告費呢件事喎！我出咁多廣告只係諗住幫你谷書。」
長棍稍為冷靜：「你唔知？出一頁收一頁錢，登半頁收半頁，登三份一都收三份一廣告費！」
*(的確我真係為幫他谷書，不斷搵位攝廣告，出得幾多得幾多，這期真的出了多次廣告。)
我：「真係唔知，做咁耐，從來冇人同我講要扣廣告費或收廣告費，只知道街外客廣告公司會收費。」
長棍無語嘆氣一聲......之後說：「明白，多謝你先，但唔好再幫我刊登廣告(即期書)，下次都唔好出咁多，出一次夠喇。」
我說：「唔好意思，真係唔知會搞到你扣晒d錢，第日我幫你寫多d專欄谷書宣傳！廣告依你意思出一次，在專欄煲應該唔會再扣你廣告費。」
長棍拍拍我：「唔該晒。」
事件完
**本想幫人，結果害了人，所以不能忘記。
2021年11月22日 星期一
2021年11月19日 星期五
微星小超人-海豹叢書
喜愛漫畫的人，總有些最鍾意又影響自己深遠的漫畫，除了《模型神童3四郎》，論時間的先後次序，第一套亦係我最喜愛的一套漫畫，就是這套《微星小超人》!!
小學時要買並不輕鬆，因為出版不準時！有時要巡報攤每日兩次巡幾日，或要阿媽幫手路過留意下，甚至脫期一兩個星期才出現報攤，但每次能買到都非常開心，睇得好滿足！
●海豹叢書全10期
●封底廣告亦值得回味 (有兩期封底冇廣告係白底)
2021年11月18日 星期四
2021年11月16日 星期二
2021年11月14日 星期日
2021年11月12日 星期五
2021年11月10日 星期三
境界戰機 / ULTRA GALAXY FIGHT: THE ABSOLUTE CONSPIRACY
近期勁like呢套動畫主角機-建武
現實工業化關節，接合式代機型態，裙尾係駕駛員上落板等等設定都好正！
睇咗2集故事開得幾好
被多國割據支配的日本
看不到未來的生活......
有感染力！
後記：
睇完首季13集之後......
真係十分失望
頭4集劇情緊湊
抱著期待追看
點知...跟住劇情鬆散沉悶
首季結局前更連續3集文場非常趕客
估計玩具同模型好快會大跌價......
劇情已不重要
看到無數認識的超人再展身手實在大滿足
有中文簡體字幕冇繁體
2021年11月8日 星期一
2021年11月6日 星期六
2021年11月4日 星期四
2021年11月1日 星期一
牛年運程 - 麥耀權
八九十年代活躍港漫電影專欄撰稿人-麥耀權
● (他現在係電影電視監製及編劇)
1997年曾經寫過一本【牛年運程】
由海洋同事Peter代辦出版及印刷事務，我接了這書的封面設計工作，再送多1頁版頭設計。
2021年10月31日 星期日
日本沉沒
小學雞嗰陣時
TVB唔記得星期六定星期日深夜12點半打後播放日劇-日本沉沒（同學介紹睇）
被劇中模型特技場面深深吸引
*（更認識了日本多個名勝
亦係長大後旅行好想到嘅地點）*
不過我老豆當時唔畀我夜瞓睇電視
我要睇就要等佢瞓咗先
之後偷偷出嚟開電視細細聲坐到好埋咁睇
（唔了解嘅話可能以為我睇鹹片）
有時佢未瞓我就冇得睇......
所以一直未有全劇睇足
大個見到DVD但冇中文字幕又賣得貴所以冇買......
雖然日本沉沒之後拍過電影同動畫但我都冇興趣睇，因為覺得我小學睇嘅1974年電視劇版太深刻，唔想被其他版本取代。
近日日本又重拍日本沉沒電視劇
因為經常睇小粟旬嘅劇同電影
見佢做主角又好奇望下
暫時播咗2集故事都照舊發展
特攝災難畫面就欠奉
不過演員表現有水準
都做到張力未算齋吹太悶
會追埋落去
2021年10月29日 星期五
2021年10月27日 星期三
2021年10月21日 星期四
2021年10月19日 星期二
2021年10月16日 星期六
2021年10月15日 星期五
2021年10月13日 星期三
2021年10月7日 星期四
風雲小說魔渡眾生logo設定
風雲小說「魔渡眾生」封底logo設定
*(圖1、2)
風雲小說出過boxset，雖然書匣係我設計，但生產量少，每賣一套都係利潤，所以我都冇獲派製成品，只好保留「打稿」留念。
*(圖4、5)
2021年10月6日 星期三
2021年10月4日 星期一
訂閱：
文章 (Atom)