朋友推薦呢套電影「罪人們」話好好睇所以我睇，但睇咗半小時就熄機，因為對故事冇興趣，節奏太慢太悶，拍攝手法亦老派！
第二日，有人同我講，只要捱過前面劇情，跟住就完全唔同晒，試下睇埋落去啦。
咁呀？好！我又繼續睇啦，睇完結論都係悶！冇新意！前半部故事講18世紀美國天主教同騷靈樂對立、黑人白人歷史仇恨、黑幫權力社會，都只係隔靴搔癢！冇趣味冇深度，之後就變成「殺出個黎明」！睇完真係覺得浪費時間！
唯一骨頭裡揀蛋白，就係中段一場歌舞，同臨尾兩段結局叫做拍返好睇啲啲，但並不能改變我對呢部電影嘅劣評！
我推的孩子真人版電影結局，故事真係相當差！可以用「垃圾」形容！而且根本就沒有兩小時的故事可以拍，夾硬重複電視劇情！重複畫面！拖長時間！拖長到夠電影份量！
係非常失敗！非常失望嘅一部日本電影！絕對係騙觀眾畀錢入場殺雞取卵嘅電影！
幪面超人Outsiders播放期長達兩年，連序章只有8集，之前因等太耐都冇新一集，所以中途冇再追，最近先記得有呢套劇，又見全劇已完結並上架，由頭睇過，故事可以用四個字講完「虎頭蛇尾」，唯一讚賞係在劇中再進化嘅幪面超人造型討好。
故事前半段有少少緩慢，但氣氛保持得唔錯，懸疑味道令我想睇落去，睇下個結局係點嘅心癮，電影中睇到一啲畫面概念係向一些舊科幻及科幻驚慄經典電影致敬，有啲亦學到大師風格，另外我非常鍾意配樂，由頭到尾都好好聽好精彩充滿80年代電子科幻味道。
女主角Eiza González幾年前我睇哥斯拉大戰金剛時已覺得佢搶眼，經過呢套電影後，會唔會成為新一代荷里活科幻動作片紅星呢？
A Working Man 香港好似冇上映，Sylvester Stallone有份參與編劇同監製，但冇客串參演，係套傳統荷里活爛佬救女動作電影，保持男主角Jason Statham 一向動作電影風格，雖然冇驚喜但亦冇不滿，可以打發時間。
No.1戰隊五獸者雖然只係播到第10集，我一直追看咗9集，咁快作評論可能太主觀或對套劇唔公平，但真係難容忍要講下，故事序幕係吸引，但實際開波就嚴重炒車，唔講太多只講最難接受三點。
一）故事會用競爭比賽決勝負，睇下好人壞人邊個成為該項目嘅第一名，呢個概念係適合幼稚園同初小觀眾，雖然我充滿童心，但大叔我真係投入唔到。
二）男主角紅戰士除咗靚仔外，演技分係零，或者咁講，佢根本係完全唔識演戲，表情、動作、語氣都非常生硬！現階段無可能做演員！睇佢演出真辛苦！
三）戰隊其他演員若同近年相比，無論在人設同演出上都不算討好，戰隊演員走埋一齊要有好嘅化學作用，拼出好火花，就係戰隊靈魂王道，而家睇佢哋走埋一齊係格格不入冇互動嘅感覺。
工作細胞真人版電影，睇到係好用心製作，好多人馬叠叠場面，色彩繽紛，不過珠玉在前，我覺得TV動畫版好睇好多，可能已經睇過動畫，真人版電影又係同一故事改編而成，總覺得節奏唔夠爽快，有啲悶，感覺上似適合小學生觀眾口味，場景、服飾、氣氛，拍攝手法都令人好似走入咗主題樂園，不過打鬥畫面又暴力咗少少，令到定位有啲尷尬，未睇過動畫或漫畫唔知故事講乜，可能會覺得真人版電影好有趣，但我就預期過高，睇完有啲失望。
其實故事唔錯，一段愛情騙局發展成一份純潔嘅感情或友情，係非常非常非常之浪漫！ending一幕亦非常浪漫！有心悒感！但悶咗成套戲為睇個ending就唔係好化算，唔係人人都有呢份耐性。
我覺得主要問題係出於導演身上，點樣去將故事表達出嚟真係好重要，如果可以換另一個角度，用另一種套路，另一個著墨位去拍去講同一個故事，應該可能會有一個很好的效果，現在就似毀滅了一個有趣浪漫故事。
沒有留言:
張貼留言