機動戰士Gundam GQuuuuuuX

機動戰士Gundam GQuuuuuuX 播完好耐，我一集一集緊貼追看，不過睇完一直冇講，而家雖然過咗氣，都講下。

故事好唔好睇？我覺得普普通通，欠缺個性，得12集太短，覺得係睇咗個濃縮速食版故事，但戰鬥畫面好精彩，自護同連邦嘅MS設定非常正！合我口味！GQuuuuuuX嘅突破概念我都喜歡，只有GFreD太似福音戰士我唔係咁鍾意。

好多人對故事有很多推測，我就覺得冇必要，動畫已交代充足冇疑點。至於阿寶有冇出現？或者係用咩身份出現？其實冇必要深究，因為呢個故事世界根本唔需要阿寶，同一道理，其他平衡時空多元宇宙亦可以冇阿寶參與「一年戰爭」，只要阿寶冇機會坐上高達，高達就可以換上很多唔同人物駕駛，包括其他新類型人，他們都可以在自身的宇宙，遇上馬沙同娜娜絕不出奇。

強大嘅新類型人靈魂或意識，可以穿越唔同領域、時間、宇宙，和不同的人接觸，在GQuuuuuuX世界裡，有超過一個不同宇宙嘅新類型人靈魂或意識出現又有何奇？

到最後，阿寶的確係用一句對白出現在GQuuuuuuX故事之中。

另一樣想講，就係兩個不同宇宙，或不同空間，會因為雙方質量唔同，當另一方物質進入，會令到體形變化，或因力量暴走而變大，我第一次睇呢個理論同劇情，係來自1983年「聖戦士Dunbine」動畫。

總結，GQuuuuuuX熱潮來又如風，離又如風，近日我在網上見到多款GQuuuuuuX模型在日本非常滯銷。