李中浩JOE CD

李中浩JOE CD

中學時在電視睇到港產片歌舞昇平廣告，聽到少少他的歌，但冇睇過這電影，跟住在電台又聽到，覺得旋律同編曲與別不同，感覺型格，之後見到黑白相封面有型，配上紅色大字好突出，就買了卡式帶。

當時我覺得這專輯幾好聽，只係唔鍾意「媽媽好」感老土，唔夾專輯風格(原來這是電影歌舞昇平的歌)。

記得當時好多評論都話李中浩唱歌唔好聽，歌曲又偏離商業主流。

我覺得唱歌好唔好聽，真係百貨百客，看個人口味，就算靚聲歌王歌后，歌唱技巧超高，但若他們沒有一種吸引到我的特質，我唔會有興趣去欣賞，而且我覺得歌手有個性，懂得投放感情去唱好重要，是一種魅力！一種魔力！如果聽歌只求聽靚聲、技巧、音準，唔需要聽歌手，去聽音樂老師或歌唱家，甚至今日聽AI都可以。

說到離題，說回李中浩，我只覺他唱腔同聲線較特別，唔係難聽，我當年共買了他兩盒卡式帶，第二張專輯主打「迷失的蝴蝶」我極喜歡！雖在2015年出了新CD，但這EP專輯唔計remix只得三首歌，實在太少所以我冇買返，只買回他第一張專輯「李中浩JOE」復黑王CD，這新版CD沒有印上生產年份，要靠封底的電腦編碼才查到在2015年出版。

這專輯包含兩首林慕德創作的純音樂「心火」和「月球之旅」，「邁向新一天」絕對係經典男女合唱歌，「戰士狂情」、「魔力的背影」、「共舞月球底」、「午夜奇女子」都係快歌，串連聽更暢快！

收錄歌曲：

01. 心火

02. 戰士狂情 (為你發電) (電影歌舞昇平插曲)

03. 邁向新一天 (李中浩、梅艷芳 電影歌舞昇平主題曲)

04. 湧出心裡愛 (電影歌舞昇平插曲)

05. 魔力的背影 (她那大眼睛)

06. 月球之旅

07. 共舞月球底 (電影歌舞昇平插曲)

08. 痴痴的心

09. 魔力的背影 (她那大眼睛)

10. 午夜奇女子

11. 媽媽心 (電影歌舞昇平插曲)