利志達 香港新風景

分享一個大師傅未成功前小故事

香港資深漫畫家利志達先生未成名時，某日親自拿了一大疊賣唔出的《香港新風景》漫畫書 (約超過30本) 上來我工作的公司「天下」，當時剛巧由我開門接待，而公司慣例是冇預約的來客，必需經大佬或主管同意後，先可以進來。

當時大佬說，叫他留下書不讓他進來，我只好照辦，結果達哥(利志達)把書交到我手就轉身走了。

因為這漫畫書係非主流路線，亦非馬sir精雕細琢風格，所以多位同事都唔欣賞唔要，但我就好鍾意，更取了幾本送給行外朋友看，我自己一本keep到現在。

自此我成為達哥讀者，亦開心之後在工作上認識他。

此事令我知道不要睇小「回書」「死貨」的價值，不要隨便攞去廢紙回收，只要它們落入有緣人手上，就能轉化和建立一份讀者與作者之間的獨特聯系。

之後我係有真金白銀買過達哥的書（入行後我係少買書的）。