昨晚香港感到地震

 昨晚地震，當時我在床未瞓，勁震幾下，但熄咗燈睇唔到雜物搖動，聽唔到玩具雜物擺設跌落嚟嘅聲，所以冇理佢。

我記得第一次在港遇上地震，係1994年，下午，地點在九龍公園過尖沙咀金色商廈嗰條天橋，又係勁搖，但我嗰陣唔知香港會有地震，我以為自己頭暈天旋地轉行唔到直線，踎低咗起碼十秒覺得冇再「暈」先起身繼續行，之後先知原來係地震。

我仲記得當年同好幾個朋友講起此事，他們都唔信，拋出大條道理話香港唔係地震帶，香港唔會有地震。