近日睇的電視劇/電影

 

月光騎士造型贏晒我超like，但故事就非常失望，頭三集極少變身，第四五集冇變身，第六集結局變身多但畫面設計平淡，我覺得係目前最失望嘅marvel電視劇。

無聲絕境第一二集

故事其實冇乜，純玩逃亡求生，第一集似係試驗性序章，票房出奇理想，第二集拍攝成本多了，但劇情仍然唔多，感覺似一部具電影質素嘅電視劇，未完仍要睇落去，唔知最後會拍幾多集先完呢？

呢套亞洲電視單元劇［紙上英雄］最近在Youtube「亞洲數碼媒體頻道」可以睇返，係少有嘅港漫主題花生劇，故事似是而非，當時惹來不少閒話。劇中部份歌曲可能因版權問題而要更改，有一段連對白人聲都刪掉，製作似乎太馬虎。

極悍巨鯊

開始時的海底世界/場景/機械設定帶科幻味，不過之後就集中在自然環境下同巨齒鯊搏鬥，對比下有點落差，故事普普通通未見驚喜，但悶悶哋亦可一看。

魔比煞

主角描寫有血肉，只是首集都係傳統正邪對決，但蜘蛛俠粉一定要睇，第日呢個世界會出現蜘蛛俠或這裡的角色會遇上蜘蛛俠未定。