真犯人旗標 / 邁向未來的倒數10秒 / 藍精靈

日劇［真犯人旗標］2季共20集，

每集都刻意在最緊湊劇情作結，

令我忍不住連忙追看，

結果4日睇完全劇。

燒腦推理故事，

考驗人與人的信任，

我覺得係近年少有精彩日劇！

不過據報日本平均收視只有7.7%......

VIU冇廣東話配音，

中文字幕太快消失有時要重睇字幕，

真犯人旗標譯名老土，

網上很多譯作「真凶標籤」較貼地。

邁向未來的倒數10秒

故事傳統老派，主角從人生谷底如何反彈，如何跟大家互相影響下成長。

但對於睇木村廿年的大叔（我）來說都算睇得舒服，算係近年木村主演日劇故事比較完整一套。

現在逢星期一至五下午4點，ViuTV播放第一代藍精靈卡通，有粵語配音，第一次睇藍精靈卡通已經係40年前讀小學時。

今日睇返呢啲粗線條有筆觸嘅卡通片，覺得幾靚，非常生動，有繪畫靈魂！

幾十年後睇返粵語版藍精靈很感動啊！