哦！可能冇乜期待，冇乜要求，覺得Agatha All Along 劇集都OK，有一種睇童話故事、巫婆故事嘅離奇古怪釣住條癮，謎面謎底不順序跳跳下交代係有心思部署，唔睇到最尾都未知真相，雖然間中有悶場，但又好快過，唔想劇透講夠了，主題曲The Ballad of the Witches' Road 好聽易上腦。
今次荷里活總算拍出一套真正的變形金剛電影，變形金剛初始篇故事並不新鮮，但只要拍得流暢就是好睇，柯柏文同麥加登曾經係朋友，之後成為宿敵編寫得好，全片沒有人類角色少了多餘情節，較接近原本動畫概念。
我一直不喜歡荷里活變形金剛電影，為求現實化一直強行加入人類的戲份，故事鬆散無主，莊閒不分，今次走回原點，感覺很好！
睇得出導演有心機拍，宇宙場面有迫力，太空船裡裡外外設定很好雖然同以前差唔多，傳統電影式打燈令畫面多添一份畫意，對比強烈，氣氛營造都ok。新一派電影好似少咗重視打燈，多數為求自然就算打燈都係做自然光效果，黑夜更加唔多光源黑沉沉連演員表情都睇唔到。
不過故事欠新鮮，只係舊酒新瓶，亦有一些畫面係向第一集致敬，對於未睇過異形1-4集嘅新一代嚟講可能覺得緊張刺激，但我睇晒6集再加異獸戰仲睇過多次，對今集故事就沒有太多感受，好似重複再睇。
最後出場隻新品種異形真係非常醜陋，醜陋到就算有人送產品畀我我都唔會收！
首先我想講，上集幾好睇，有說服力，有感染力，有劇力，令人同情小丑這個人物，我心裡面亦讚嘆：「啊！蝙蝠俠裡面嘅小丑原來可以咁描寫！」
今集......究竟我睇咗乜嘢呢？
初時以為係想攞獎，所以拍畀評審睇，唔係拍畀大眾睇。
捱得幾辛苦睇完，間唔中我悶到會自言自語說：「l'm batman」調劑下心情，我少少都投入唔到，很多歌唱、對白歌曲都非常夾硬插入，打亂成套電影氣氛，故事本身亦寫得唔算好，可以話將上集嘅鋒芒一局輸清！
如果真係要骨頭裡面挑雞蛋搵亮點，我覺得歌曲幾好聽，有些畫面構圖設計有美感。
故事較為兒童口味，製作唔錯都算好睇。
片長不足一小時，但畫面風格獨特，表達方式、人物動作描繪都有很多值得學習地方，可以睇完再睇慢慢研究。
故事方面，不用嘩眾取寵，不需峰迴路轉，不要驚天動地，只需要淡淡然透出感情，直接入心就足夠好睇。
沒有留言:
張貼留言