ENTRY GRADE ν Gundam

Day 1

趁近視散光老花未太嚴重，手指頭仍有感覺未震震下，盡快砌晒啲模型！

首天用咗120分鐘砌好上半身，高達頭兩側嗰幾個洞畫咗咁多年始終畫得唔夠好......

Day 2

本來預計這天會砌好，不過又砌咗120分鐘，只係砌好兩對手腳，槍和盾未砌，唯有下次KO佢。

呢盒ENTRY GRADE ν gundam水口位幼細好易處理，部件唔多砌得好爽，但點解我砌咗4個鐘都未砌完？

而家砌模型真係可以用陶冶性情嚟形容......

貼貼紙仍然係我弱項，勉勉強強貼幾輪總算貼到滿意位置，好彩膊頭貼紙仔冇畀我整爛。

Day 3

今日40分鐘，砌埋個盾同槍，左胸甲上方冇綠色貼紙提供，要自己搵舊貼紙裁剪補上，完成。