呢盒模型擺咗喺屋企好多年。
我勁鍾意V2 ASSAULT BUSTER GUNDAM，可惜動畫裡面佢冇乜特別發揮就玩完，但打「機戰」就非常好用！
雖然我鐘意呢盒模型但當時堅持唔買，因為知道佢比較細隻，唔想砌得咁辛苦，又唔想貼太多貼紙，但最後都收到呢盒禮物，但我堅持畀返錢。
呢日終於的起心肝砌佢，再唔砌怕老花更嚴重同手指唔靈敏。
Day 1
今日分咗兩工，總共搞咗165分鐘，一開波順利畫到個嘴有啲開心，不過跟住就......睇相嘅旁白就知有幾出事......
題外話，之前在万博塞爾維亞館攞嘅兩粒波子，一直在背囊而家先記得拎出嚟。
另一樣花咗時間，係睇圖研究安裝邊件裝甲部件，因為呢隻模型可選擇砌成四種型態，選用哪些裙甲組合係關鍵之一，雖然砌咗可以拆件換裝，但要拆出嚟其實都有些少唔方便，所以只砌最強型態就夠了。
砌之前試下用呢盒筆睇下油唔油到模型，結果唔係好啱我用，唔快乾又易刮甩，我估油完要再噴層保護透明油先得，擺埋一邊，第時畫嘢有用先用啦。
呢日冇砌，只係同佢化妝，執下個樣，補返啲線，大約用咗45分鐘。
一路認為HG size V2G白白淨淨靚啲，所以唔想畫太多線，諗咗好耐先決定取捨下畫返。
Day 4
超出預計，115分鐘砌咗右腳同MEGA光束步槍，睇返相片時間淨係剪好隻腳嗰25粒件，貼三張貼紙、畫小小線、補黑色差唔多要一個鐘。
MEGA光束步槍共七件部件，補咗一格白色、畫咗線又50分鐘，完全唔覺得時間咁快過，搞完睇睇鐘先知「吓？唔係啩！」
Day 5
80分鐘砌埋隻左腳，紅色腳底邊水口處理失手刮花咗小小表面。
尋日右腳同一部件亦有一處削深咗，唯有一次過油小小黑色污漬掩飾。
不過V2 ASSAULT BUSTER GUNDAM只在宇宙出戰，對腳板應該唔會踩到土地上啲泥。
Day 6
砌咗110分鐘，呢日有啲神不守舍，又唔小心整斷咗一件膊頭部件樁柱，要黐膠水補救，最後砌完一隻手同一個膊頭。
呢盒HG V2 ASSAULT BUSTER GUNDAM失誤多，本來想砌好啲，但就多災多難。
題外話：
呢日有啲黑，散步曬太陽一時冇留神，畀個大陸女人拖住張有轆書桌椅轆過腳趾，椅上有個手袋同兩三個裝咗嘢嘅背心膠袋，初時只係微微痛咗一下以為冇乜事，但過咗大約廿分鐘就覺得第二隻腳趾好痛！檢查下原來第二隻腳趾瘀晒腫咗！頂佢個肺仆佢個街冚佢個家剷！
Day 7
85分鐘砌咗個MEGA光束盾、左手同MEGA光束炮前半部。
Day 8
今日本來諗住砌好晒，不過都係差一架V2核心戰機未砌，唯有留待下次。
110分鐘砌埋噴射光束吊艙、米諾夫斯基驅動器同背部部件，終於組裝成V2 Assault Buster Gundam
，簡單影下相先。
之後繼續砌光束步槍，剪好埋一堆換裝部件，不過我應該唔會玩同佢更換裝備，所以呢堆部件都係多餘。
65分鐘砌埋架V2核心戰機，畫完線砌好，先發現有啲線被掩蓋根本唔需要畫，早知就慳返啲時間啦。
呢盒HG V2 ASSAULT BUSTER GUNDAM完工了！
沒有留言:
張貼留言