近期睇的電影、電視劇、動畫、特攝

 

科學怪人2025電影片長兩個多小時，我分了三次睇，有讚有彈，我不喜歡自述式講故事手法，劇情亦太平鋪直敘，電影以角色遭遇分成兩段，但我認為序幕可拆多一個章節，序章不精彩又未算悶，都吸引到我繼續看下去，第二章整體是最好，在場景、服裝、道具等等設計都落足心思，充滿藝術色彩和獨特概念，同時亦是屍體大解剖的「人體奧妙展」，要有能耐接受這種核突畫面，第三章再沒有特色設計和吸睛畫面，落墨於科學怪人成長，刻畫細膩但亦沉悶，這一章我看得夜了，中途暫停，擇日再繼續，結局我略嫌太平淡，沒有餘味。

總結這電影十分用心拍攝，製作認真，氣氛營造不錯，只是說故事方式較緩慢平坦欠衝擊，喜歡與否看個人口味，至於劏屍切割研究的畫面是血腥噁心？還是美感藝術？就百貨百客了！

創戰紀戰神降臨看宣傳片很吸引，但正式睇電影就見真章，勁悶！勁悶！勁悶！睇了半套，更悶到要分兩次睇，最後決定放棄睇埋下半場！上半場節奏緩慢，故事欠新意，滿是悶場，難捱！唯一讚賞係科幻設定靚，有點似Diaclone玩具系列。

一直有追日劇「孤獨的美食家」電視劇，今次「孤獨的美食家電影版」故事有趣，有些少驚喜，雖然主題都係搵食，但劇情比以往電視加長特別篇豐富。

Netflix日劇「浪漫匿名者」全8集，幾易睇，主線OK，只係男二女二故事線好弱，但無謂雞蛋中挑骨頭，輕鬆的愛情故事只要能給觀眾感覺到愛的滋味就算成功。

最近的起心肝煲鐵甲萬能俠動畫，睇到第32集，嘩！呢集真係印象非常深刻！當年我睇嘅時候只得幾歲，但改造愛美神飛彈呢幕完完全全入晒腦！幾十年嚟一直記住。

呢集係鐵甲萬能俠第一次識飛，當時覺得係件大事！

第38集Minerva X 登場！記得兒時睇呢集，初初覺得機械人談戀愛好好笑，但睇到完場就心都酸晒，印象非常深刻。

好奇怪，呢套幪面超人Zeztz我追日本睇咗9集，但有5集都睇睇下恰著咗。