Day 5 (03-02-2026)
今天大戰150分鐘，只砌了一條腿。
點解用大戰形容？
因為程序砌了大半，有件外甲砌極都合不埋，研究又研究後，係裡面條內骨未對準入好，唯有極度小心慢慢拆開再砌過。
搞好再繼續，順利砌完條腿，要同鞋仔合併，竟看見兩邊接點同是公頭！Oh...No !!!!!!!!!!!!! 原來開始砌第一粒PC膠已經上下反轉！
提醒自己要沉住殺氣，只好再次慢慢拆開再更正砌過，但全條腿砌好了這次非常難拆開，慢慢試慢慢試慢慢試並不順利，有諗過是否要放棄，拆了廿幾分鐘終於拆開找到修正處。
成功了心裡有點喜悅，處理好錯處再砌過，呀？
忽然發現......多了一塊小部件！睇清楚......是斷了部件的碎件！Oh...Fxxx !!!!!!!!!!! (面色變灰)
阿Q精神，高達RX-78-2 MG ver.3.0 當時揀錯買，它非我杯茶，買了才清楚知道鍾意ver.2.0版。
我會繼續砌完它，當練習感受下高階模型設計組裝，斷件用膠水黐好，之後或貼貼紙遮蓋膠水漬裂紋，反正砌完扭幾下甫士後都係屍站或收在盒。
Day 6 (12-02-2026)
今日120分鐘砌埋另一條腿，留意到原來我畫線需要用很多時間，係「慢工出貨」原因之一。
Day 7 (14-02-2026)
今日110分鐘砌了一條手臂同兩邊膊頭內構。
Day 8 (15-02-2026)
60分鐘盾牌劍柄同小小濕碎件畫線，補手肘關節同跟腱塊片小小金油。
Day 9 (16-02-2026)
今日100分鐘，砌埋另一條手臂同一邊膊頭。
一直無法理解充滿好奇，面世十幾年不用剪件砌，只需扭動成形的活動手指手掌，今日終於首次體驗到！生產技術果然神奇！
小插曲：
其中一隻手指尾在扭動過程中突然飛脫彈出！跌落迷彩間條灰色地毯上！三分一支牙籤大小的灰色手指尾在灰地毯上完全是隱藏色！開手機燈照都搵唔到，心想是否它要成為九指高達，忽然又給我抱懷疑見到類似物體下執到，舒一口氣。
沒有留言:
張貼留言