機甲戰記威龍

 

睇完48集的機甲戰記威龍，唔多唔少有捱住睇feel，開始時故事似傳統Gundam模式，之後背景由宇宙轉到地球，再走到中國都未見高潮進展。

中段突然大幅轉橋，人設機設都轉了風格，主角由主戰線變成小隊戰線，但這十幾集「威龍小隊攻打秘密兵工廠篇」有點拖泥帶水並未見起色。

跟住進入結局篇......

每集開頭簡報主戰線情況如何反勝，出現超級宇宙要塞做大boss作結，但最後3集劇情反覆混亂，導演起稿同編劇都出現很多反駁錯漏，角色忽然機戰忽然人對人追追逐逐打極唔死，被對方機體攬實自爆又毫毛損毀，被眾叛親離又忽然有人幫拖...... 雖然整體故事不算好睇，但臨尾出現的甩漏實在好大影響好冇癮。