MG一年戰爭動畫色RX-78-2模型

 

人棄我取，早兩日攞咗隻一年戰爭動畫色MG高達模型，本身素組白色膠都開始微黃，水口明顯，雙腿油壓內構部件冇處理好就砌，影響屈曲幅度，我冇乜技術搞好佢，反正都係屍站，只喺當眼位畫線，手骹位補咗個銀色。

我覺得呢個版本面相靚過型過3.0版，可惜太舊開模分件係我討厭嘅前後夾埋嗰種，身體比例適當地粗壯，唔係咁鍾意往後嘅高達RX-78-2模型很多偏向太瘦削腳太長腰太幼。

過咗幾日都係忍唔住，睇下片，砌開對腳，修正返油壓部件，而家對腳屈曲幅度正常晒，仲鞏固咗一啲鬆嘅關節。