咖啡

 

最近飲齋啡要落2包糖先滿足

大勢所趨？人云亦云？懂得「品嚐」咖啡豆精粹就要飲冇糖冇奶嘅原味齋啡，要品嚐當中苦、甘、果酸等等等等等等層次，我都曾學習適應去「品嚐」，不過口味嘅嘢絕對唔可能單一單向，唔鍾意就係唔鍾意，現在Quota有限，每日飲一杯咖啡對我係一種享受，冇可能為咗扮懂得而辛苦自己。

我仍記得中學食lunch叫餐茶，同學朋友飲檸茶、檸水、華田、好立克、凍奶茶等等等等，就係冇人叫咖啡，只有我次次叫，當時有人話咖啡係阿叔阿伯先會飲，唔係𡃁仔飲。

小學雞時好鍾意飲罐裝Pokka牛奶咖啡，即係而家classic嗰隻，不過好耐好耐以前開始覺得唔夠咖啡味冇再飲。

另外，茶餐廳熱鴛鴦都係賣飛弗。