Super Minpla 百獸王 黑獅子

 

第一次砌Super Minpla，以為好快砌好，以為兩個鐘砌到百獸王Body黑獅子同右手赤獅子，結果係三個鐘砌咗一隻黑獅子。

冇特別落功夫，只係同個嘴畫線，油咗四隻銀色牙，貼第一張獅子左眼貼紙同最後貼嗰張銀色左翼都斜咗(同一邊真邪)，腰帶要將平面貼紙搞到凹凸立體係花咗啲時間。

膠嘅質料麻麻比一般bandai模型腍身，水口位粗，黑色紅色件剪完件水口好多見白化，用marker略略補色令佢冇咁明顯。

發現廠方入袋前品質檢驗麻麻，已油黑色嘅獅子鼻頭油漆有啲崩，頭頂白油亦有輕微刮甩(遲啲睇下補唔補油)，機械人形態下陰位嘅黑色件亦有少少刮花。