Day 1
開工砌新一隻模型，本來唔想又砌高達，想砌其他機械人，最後決定砌呢隻「一番くじ D賞 ENTRY GRADE 突擊高達 Solid clear」，係因為貪佢砌法簡單，唔使搞太多嘢，貪快砌完。
不過剪透明顏色件都有啲難對焦，係室內燈光太暗？定係我老花又深咗呢？
今次140分鐘砌好頭、手同整個身體，幫頭頂嘅主感測器補咗格藍色貼紙，畫咗個嘴，後腦感測器就補藍色marker，手骹畫咗黑線，淨係未砌對腳。
Day 2
50分鐘砌埋對腳，砌完EG Solid Clear 突擊高達。
正常版眼邊黑線係罅隙陰影形成，尋日砌好個頭發現呢隻有色透明版做唔到呢個效果，今日想拆開個頭補眼邊嘅黑色，但拆咗十幾分鐘都拆唔開，再繼續落去驚拆爛唯有放棄補救。
沒有留言:
張貼留言