第一季故事較踏實，欠娛樂性，文戲為主，若誤會係激戰連場嘅Marvel英雄劇一定失望，主角Frank Castle (Punisher)用人性化手法處理，冇屈機，極少Suit up造型。另外主要角色有幾位，每人有自己故事線，削弱男主角主軸故事，雖然最後殊途同歸，但打散張力，影響連貫氣氛，臨尾幾集緊湊返少少。
劇中很多講述退役美軍回家後遭遇不快，在戰場殺戮後再難投入現實生活，心靈創傷等等話題，描寫深入，不過觀眾真係要有心有興趣先可以耐心去睇，每集有一場打鬥或槍戰拍得幾好睇，叫做提一提神！
第10集“Virtue of the Vicious"編劇和剪接較有心思部署，我覺得係整季最好嘅一集。
整體說第一季唔算差，只係百貨百客，唔係大眾化劇種，一心想煲劇解悶就唔啱睇。
至於第二季多了槍戰同打鬥，娛樂性比上季豐富，頭三集開得好，緊張刺激，不過之後加入另一戰線，多了角色，故事線同時增加，圍繞尋找自我，尋找意義，心魔作祟，堅持信念等等等等婆媽話題，而且兩條戰線分配失衡，拖慢中段進展，打亂開始時的勢頭，好在過了中間幾集，後勁轉強，再度緊湊，最後兩條戰線的結局都唔錯。
沒有留言:
張貼留言