機動戰士V高達

機動戰士V高達

可能我對1993年播出的［機動戰士V高達］動畫期望過高，N年前第一次睇完覺得麻麻，製作水準偏低，線條簡陋薄弱欠力度美感，畫得靚的集數唔多，我覺得80年代中製作的［Z Gundam］同［ZZ Gundam］都比這套動畫製作得靚。

另外我好鍾意嘅V2高達突擊暴風型只係出場一陣就被打散！沒有好好發揮實力很失望！至於劇情細節過了多年後很多都忘記了。

最近再睇第二次這動畫，係因為早輪砌了HGUC V2高達突擊暴風型模型。

第二次睇比第一次感覺良好很多，或者係自從［鐵血的孤兒］後，太耐都冇一套Gundam電視動畫打動到我，所以今次放低執著去睇，加上睇過一次再冇過高要求和期待，純粹想重溫。

男主角胡索只有13歲，忽然坐上V高達戰鬥後就無法回頭，故事發展走向同傳統Gundam類似，只係主角年齡降低了，以他的童心角度去看戰爭，去看成年人的所作所為，去看人性的正面與黑暗面，兒童和成人的思想與行為總有很大分別，當中充斥著矛盾！

胡索的冒險行動多少帶著稚氣，在戰爭中常要面對戰友和親人陣亡，在悲痛中成長，不過始終係描寫細路哥，所以過程較反覆，未能一氣呵成。

動畫全51集，戰事穿梭地球和宇宙來來回回，而胡索的戰線會因他的衝動走來走去，兜兜轉轉很飄忽，令整體劇情上有點鬆散，但故事本質寫得唔差，結局我亦覺得好睇。

說到機設，V高達同V2高達的設定很好，它的裝甲薄弱，但生產成本低，備用的上下身部件充足，在戰鬥中受損隨時可替換，更可當作自殺式武器使用，而且武器及裝備配件多，完全符合MOBILE SUIT功能概念，其他MS很多我都喜歡，可惜大多數都冇出模型。