東京葛飾區睇足球小將 / 隊長小翼2 青少年篇

 

13 June 2024 去東京葛飾區京成電鐵[四ツ木駅]睇足球小將，站內佈置豐富！

走出站外附近亦有打卡位，角色銅像最吸引，可在站內索取指南尋找，全程路途不短，銅像位處[四ツ木駅]與[京成立石駅]範圍，因時間同體力有限，我放棄了位於兩站中間的岬太郎和中澤早苗銅像，只搭電鐵去睇兩站附近的銅像，雖然如此，但來來回回路程都不少。

最update嘅足球小將動畫第二季世青篇剛剛播完，以前非常鍾意睇呢輯漫畫版！日本vs阿根廷三杉淳後備復出更是熱血沸騰！三十幾年前睇過OVA版動畫，雖然大至上忘記得七七八八，但印象中製作水準都唔錯，保持元祖TV版味道，唔似現時動畫線條單薄，角色面相常走樣，動態表達欠勁等等好多瑕疵，雖然製作水平低，但故事都跟原著，為回味呢段故事，我都煲晒39集隊長小翼2青少年篇動畫。