洛文Rodman Lok 中佬的足球場

 

唔係收錢賣廣告，唔係幫朋友宣傳，我係畀錢買書支持！

洛文Rodman Lok (雞尾老師) 最近出版嘅［中佬的足球場］漫畫書今日到手，冇任何資金支援冇稿費下，佢用咗一年時間包辦全書繪畫及後期製作 (除咗封套設計外)，之後自資出版！呢份鬥志同精神我好佩服！

我都係個一條友畫晒成本漫畫冇助理嘅人，我知道要畫完一套接近250頁嘅漫畫，每頁開格密度高，製作高質素唔hea畫，係需要幾大堅持，付出幾多時間心機，放棄幾多吃喝玩樂時間先至完成到！

我慣性「閱讀」漫畫係要用好長時間去消化畫面同劇情，接近250頁故事我應該要睇幾粒鐘，仲可能要分兩三次睇，所以暫時未能講讀後感，不過睇完後我都唔打算講太多，只會略略分享下，因為劇透係件好令人討厭嘅事。

略略揭揭看看覺得印刷質素好好，線條同網點清晰，紙質厚薄適中手感舒服易揭，封套設計有型格，內文版面設計亦唔錯，今時今日香港精裝漫畫或繪本售價很高，百幾頁賣過百元多的是，［中佬的足球場］250頁定價HK$100本是物有所值！

多謝洛文Rodman Lok (雞尾老師) 在書上畫咗個咁精美嘅Messi。

各區漫畫店現已有售！

中華書局、三聯書局、商務印書館稍後上架！

每本HK$100

盒制作所出版

我以前踢波係前鋒，洛文Rodman Lok係守門員，不過9成友賽大家都係敵對，咁佢都應該算係我宿敵啦。

洛文Rodman Lok係一位資深港漫景手，努力拼搏廿幾年，一線畫功做過多本一線港漫，深受行內人欣賞！近年佢已經獨立發展，成為一位出色插畫家/漫畫家，呢本［中佬的足球場］係佢個人原創IP的首部作品。