ウルトラマン商店街/ TOHO STUDIOS

 

16 June 2024 搭小田急電鉄去[祖師ヶ谷大蔵駅]嘅ウルトラマン商店街，電鉄到站時會響起Ultraman音樂，站內有些Ultraman佈置。

不過踏出站外就更吸引，很多打卡位！

以車站為中心，這條商店街係T字形，不能一次過順路行完，其中一個景點「超人吉田之門」距離車站1.3公里，來回是2.6公里，我行到六百米見沿途冇什麼特別店舖及景點，就決定放棄掉頭行另外兩條街，而這兩條街的盡頭分別有「超人佐菲之門」和「超人Jack之門」，途中還有七星俠像、超人專門店、原大食錢獸。

這裡的街燈係特色之一，有吉田、太郎、七星俠和巴魯旦星人，燈柱的透明球體內更設有超人劇照或小模型擺設，其他打卡點在沿途能發現到。

商店街的店舖大多數係民生小店及食店，附近是民居，並非商業娛樂旅遊區。

行完ウルトラマン商店街，順路向「超人Jack之門」方向行1.3公里，就會到TOHO STUDIOS，這裡不設入內參觀，建築物外牆有巨型哥斯拉和七人の侍電影壁畫，門外有大約2米高哥斯拉銅像，從車輛出入口望入去有幅摩斯拉壁畫。

打完卡，不走回頭路，行850米左右去［成城学園前駅］搭小田急電鉄返新宿。