新三一萬能俠漫畫50週年紀念版

 

廿年前？三十年前？已記不起......，當時買了這漫畫另一版本的第三和四期，故事係舊三一ending連接新三一前半段，唔知點解冇買第五期大結局。

之後再買了香港中文版，以為出版社會出齊全套，但出完舊三一就冇再出版新三一故事。

事隔N年...... 想買回舊時缺失的拼圖塊或補完回憶，疫情前開始去日本搵二手書(新書早已冇貨)，只遇見過兩次但要一套買不散賣，炒價唔係貴只係自己唔想買一套，所以一直未買到睇唔到結局。

最近為紀念三一萬能俠誕生50週年，日本將三一萬能俠漫畫整個系列重新包裝再出版，雖然我買的這本漫畫前半部係我已擁有舊版本的內容，但等待、找尋幾年，決定不再等待機緣搵單獨一期的舊版了，拜託老友代購新版總算得償所願睇到大結局。

新版封面由原作永井豪老師全新繪畫，結局內容是作畫的石川賢老師生前全新繪畫版本，雖然我仍未睇過舊版漫畫的結局，但已不用強求不急尋找，日後隨緣遇上價錢合理再買。