搜異錄

 

漫畫大師鄧志輝新作［搜異錄］今日到手，畫稿係實體手繪彩稿繪畫，全部由佢親自落色！

一個字：極致！

三十幾年前肥良同阿架(鄧志輝)來天下做黑豹列傳開始睇到佢畫公仔，睇咗十幾年已經習以為常，而且在漫畫工業分工製作下，有幾位助理高手分別負責補面線、填頭髮、補公仔線、打網、飾物衫花等等等等，集體參與下自然少咗個人魅力。

我離開港漫公司N年後一次飯局中，坐佢側邊睇佢即場畫一個全身公仔畀人，就令我嘆為觀止！

佢不用起稿，釣手用科學毛筆畫咗一個大約A5大小擺出有型甫士嘅角色，填頭補線一支筆一氣呵成做晒，運筆俐落有勁，精緻度高，盡顯大師風範！

從此，佢成為我很欣賞的大師級香港漫畫家。