鬥將大武士(太空基地)

 

童年時我對鬥將大武士一見鍾情，好想買DX超合金，多年後這動畫命名「太空基地」在430穿梭機時段內播出，當時超鍾意睇，覺得好好睇，相隔四十幾年後故事我已忘記得七七八八，近日終於搵到頻道再睇，好滿足！

當然，這是1978年製作，不能與現今動畫相比，但故事和製作並不差，長濱忠夫是這動畫總監督，他炮製過多套超級機械人大作，水準有保證，安彦良和亦有參與幾集storyboard，現在看唯一美中不足，係敵方巴姆星人的機械人設定很多都感覺馬虎。

鬥將大武士係傳統超級機械人劇種，每集一個主題打一隻敵方機械人，由最初巴姆星人侵略地球，一路反擊打到上宇宙敵陣的套路，不過主線上有男女主角羅密歐與茱麗葉式愛情故事支撐，還有巴姆星人內亂權鬥，兄妹為父報仇，地球人同巴姆星人能否追求和平共存，聯合國三輪長官為求戰勝不惜犧牲平民與男主角一方立場對立，以上等等劇情串連著，令故事不單調，有延續追看性，臨尾幾集一氣呵成很精彩。

可能是童年先入為主，我鍾意聽蔣慶龍唱鬥將大武士港版主題曲「太空基地」多過日本原唱。