難得友情人

差唔多三十年前，ATV深夜日劇時段播出「難得友情人」，當年每晚我都趕返屋企追看，好鍾意睇，鍾意睇到中森明菜，雖然係愛情+友情的故事，但都睇得好投入好肉緊！

最近終於搵到頻道重溫，三十年後再睇已毫無感覺，可能我對劇情仍有些少記憶，可能我長大了成熟了，或是類似故事已睇得多，甚至這劇集真的過時！今日睇兩位女主角安田成美同中森明菜的演技很幼嫩，表達過份用力或誇張，睇落唔係太舒服，不過能夠睇返懷念一下都係開心。

每集播放主題歌時，鏡頭由空中追住火車，由遠至近拍到兩位女主角在車廂的畫面設計，今日睇仍然精彩！由米米Club主唱嘅主題歌依然好好聽！

記得當年我有一位好同事好兄弟同樣喜歡這電視劇和主題歌，大家放工一齊去旺角唱片店搵這張米米Club CD，那時只有3吋CD版本，未推出大碟版CD，行了多間店舖最後只得一間有貨，還只賣淨最後一張！我讓給老友購買，諗住好快返貨可以買返，但等了很久都冇店舖有貨返，因為冇行貨代理只能入水貨，唯有不斷借老友CD聽。

直到幾年前去日本旅行醒起這件事，才買了收錄這歌的米米Club大碟版2手CD。